Tidlegare var det Folkeregisteret som avgjorde om nokon skulle bli registrerte som utflytta dersom dei ikkje lenger hadde lovleg opphald. No er det UDI som avgjer dette.

Dersom du har vorte registrert som utflytta i Folkeregisteret etter ei melding frå UDI, er det fordi du ikkje lenger har lovleg opphald i Noreg. Har du spørsmål om kvifor du har blitt registrert som utflytta, må du ta kontakt med UDI.

Dersom du meiner at du har blitt registrert som utflytta ved ein feil, kan du klage på utflyttinga til UDI ved å fylle ut skjema for å melde frå om feil registrering som utflytta i Folkeregisteret.

Dersom du er registrert som utflytta i Folkeregisteret står du framleis registrert med personnummer og personlege opplysningar i Folkeregisteret, men du er ikkje bustadregistrert på ei adresse i Noreg. Dette kan få følgjer for rettane og pliktene dine i landet.

For at du igjen skal bli bustadsregistrert på ei adresse i Noreg, må UDI eller UNE først gi deg eit nytt opphaldsløyve. Du må melde flytting til Noreg på nytt (gjeninnflytting). Sjå informasjon om melding om flytting til Noreg.