Formuesverdi på skog

Formuesverdien på skog blir sett ut frå storleiken og veksten på skogen. Verdien blir brukt for å få berekna rett skatt. 

Gjeld det meg?

Dette gjeld deg som har ein skog som er eigna til å gå med overskott.  

Korleis berekne formuesverdi på skog

Det er ein viktig føresetnad for å berekne formuen at du kjenner storleiken og veksten til skogen. Veksten blir berekna med utgangspunkt i boniteten til skogen.

Slik sjekkar du storleiken på skogen eller fordelinga på bonitetsklassar:

  • Driftsplan for skogen din (skogbruksplan). Dette får du hos skogeigarsamvirket ditt eller hos skogforvaltninga i kommunen.

  • NIBIO gardskart. (Vel "Markslag 13 klassar" i menyen)

Slik finn du formuesverdien på skogen:

  1. Ta utgangspunkt i arealet til skogen per bonitetsklasse og gong desse med tilveksten. Då får du den årlege nyttbare tilveksten.
  2. Den årlege nyttbare tilveksten skal vidare gongast med avkastningsverdien til kommunen. Då får du tilvekstverdien.
  3. Til sist skal denne tilvekstverdien gongast med skogsfaktoren. Du kjem då fram til formuesverdien på skogen.

 

Den årleg nyttbare tilveksten til skogeigedommen kjem fram ved å gonge det produktive arealet til eigedommen, fordelt på 4 bonitetsklassar (svært høg, høg, middels og låg), med den fastsette tilveksten for kvar enkelt bonitetsklasse.

Tilveksten for kvar enkelt bonitetsklasse er fastsett til:

  • Svært høg 0,7 m3 per daa
  • Høg 0,4 m3 per daa
  • Middels 0,25 m3 per daa
  • Låg 0,08 m3 per daa

Avkastningsverdien blir fastsett for kvar kommune ut frå ulike pris- og kostnadssoner. Prissona og kostnadssona du høyrer til blir henta automatisk basert på kommunen eigedommen ligg i. Sjå vedlegg i takseringsreglane.

Det er ikkje mogleg å korrigere prissona individuelt. Det er mogleg å avvike frå kostnadssona viss du har spesielt høge kostnader.

Skogfaktor er ein kapitaliseringsfaktor for å berekna formuesverdien. Skogfaktoren er sett til 5.

Du eig 1 000 dekar skog i ein kommune som ligg i pris- og kostnadssone A1:

  • 500 dekar svært høg bonitet
  • 200 dekar høg bonitet
  • 100 dekar middels bonitet
  • 200 dekar låg bonitet

Årleg nyttbar tilvekst:

Bonitet

Areal x tilvekst

 

Svært høg

500 x 0,7

350

Høg

200 x 0,4

80

Middels

100 x 0,25

25

Låg

200 x 0,08

16

Årleg nyttbar tilvekst

 

471

 

Formuesverdi:

Tilvekst i m3

 

Avkastnings-verdi

 

Tilvekst-verdi

 

Skogfaktor

 

Formuesverdi

471

x

130

=

61 230

x

5

=

306 150 

Dette må du gjere

I skattemeldinga skal du fylle ut

  • kommune, gards- og bruksnummer. Dette er ofte førehandsutfylt. 
  • det produktive arealet til eigedommen. Dette skal fordelast på 4 bonitetsklassar. Bonitetsklassane er: Svært høg, høg, middels og låg. 
  • kor mykje av det produktive arealet som er ungskog. 

Spesielt for deg som

Dersom 70–85 prosent av den drivberre skogen er ungskog (hogstklasse 1-3) skal formuesverdien reduserast med 15 prosent. 

Er 85 prosent eller meir av den drivberre skogen ungskog (hogstklasse 1-3) skal formuesverdien reduserast med 25 prosent. 

Har du driftskostnader som er vesentleg høgare enn den kostnaden som gjeld for kommunen din, kan du krevje å bruke ein høgare kostnad i berekninga av avkastningsverdien.

Årsaka til at du har høgare driftskostnader må anten vere vanskeleg terreng eller lang driftsveg.

Dersom skogen din har endra seg vesentleg i løpet av året, skal du berekne ein ny formuesverdi på skogen. 

Døme på endringar: 

  • kjøp eller sal av areal 
  • vern, freding eller naturskade 
  • ny skogbruksplan

Dokumentasjon

Du treng ikkje å sende oss dokumentasjonen din på dette, men du må kunne leggje han fram dersom vi ber om det. 

Meir om skogbruk

Oversikt: Alt om skogbruk