Vil du hjelpe oss med å bli bedre? Vi jobber med å gjøre det lettere å finne fram. Er du næringsdrivende og har 5-10 minutter til en kort test?

Frådrag for representasjon

Bedrifter kan få frådrag for kostnader til enkel servering til kundar eller forretningssamband.

Gjeld det meg?

Dette gjeld deg som driv ei bedrift og har kostnader til enkel servering (representasjon).

Dette må du gjere

Vurder om bedrifta har krav på frådrag for kostnadene.
Før kostnadene i rekneskapen.
Ta vare på dokumentasjonen for kostnadene du krev frådrag for.

Vilkåra for frådrag

Representasjon er til dømes besøk av forretningssamband, offentlege styresmakter, pressefolk eller ulike grupper for omvisingar.

Du har ikkje rett til frådrag for andre typar kostnader til representasjon.

reiser til sportsarrangement
jakt- og fisketurar
gåver til forretningssamband
drift av bygning, båt eller bil i samband med representasjon

Bedrifter kan få frådrag for kostnader til enkel servering av kundar eller forretningssamband dersom

kostnaden er knytt til bedrifta
serveringa skjer i arbeidstida, eller i samband med forhandlingar eller demonstrasjon av varer
serveringa skjer på arbeidsstaden, eventuelt på ein serveringsstad i nærleiken
det ikkje blir servert brennevin
kostnadene ved serveringa på serveringsstaden er innanfor maksbeløpet per person

Dersom vilkåra er oppfylte, kan bedrifta også krevje frådrag for kostnader til servering av eigarar, tilsette og styremedlemmer som deltar.

Bedrifta arrangerer ein middag for forretningssambanda sine på kveldstid. Nokre tilsette deltar også. Bedrifta har ikkje ope på kveldstid. Fordi serveringa skjer utanfor arbeidstida, får ikkje bedrifta frådrag for kostnadene.

Bedrifta har kostnader til ei enkel servering for nokre kundar i arbeidstida. Det blir servert øl og vin til maten. Kostnadene til serveringa er mindre enn maksbeløpet per kunde. Bedrifta kan ikkje servere i sine eigne lokale, og bruker ein serveringsstad i nærleiken. Bedrifta får frådrag for kostnadene.

Bedrifta har kostnader til ei enkel servering for nokre kundar i arbeidstida. Det blir servert øl og vin til maten. Serveringa skjer på ein serveringsstad i nærleiken av lokala til bedrifta. Kostnadene til servering er meir enn maksbeløpet per kunde. Bedrifta kan ikkje krevje frådrag for nokon av serveringskostnadene. Heile frådragsretten fell bort.

Grensetilfelle

Det kan vere grensetilfelle der kostnadene blir rekna som reklame eller velferdstiltak, og ikkje representasjon.

Spesielt dersom du

Bedrifter som sel varer det ikkje er praktisk mogleg å ta med til potensielle kundar, kan ta med seg brosjyrar eller anna for å presentere produktet. Bedrifta kan då krevje frådrag for enkel servering.

Bedrifta kan krevje frådrag for kostnader til øl eller vin til maten. Dersom det blir servert brennevin, mister bedrifta retten til frådrag for heile måltidet.

Dokumentasjon

Du treng ikkje å sende oss dokumentasjon på dette, men du må kunne leggje fram dokumentasjon på kostnader du krev frådrag for viss vi ber om det.