Lønn etter dødsfall
Gjeld lønn, feriepengar og andre ytingar som den avlidne har tent opp før dødsfallet, men som vedkomande ikkje hadde faktisk eller rettsleg krav på å få utbetalt før dødsfallet.
Kort om lønn etter dødsfall
Før opp lønn, bonus, feriepengar og andre ytingar som den avlidne hadde tent opp før dødsfallet, men som vedkomande ikkje hadde faktisk eller rettsleg krav på å få utbetalt før dødsfallet.
Dette gjeld når:
- inntekta er opptent før, men blir utbetalt etter dødsdatoen. Inntekta er skattepliktig for dødsbuet, einearving eller attlevande ektefelle/sambuar i uskifte som alminneleg inntekt (kapitalinntekt) og skal førast opp på den avlidne som lønn etter dødsfall.
Dette gjeld ikkje når:
- Inntekta er opptent og utbetalt etter dødsdatoen. Dersom inntekta er opptent og utbetalt etter dødsfall, er beløp inntil 1,5 gonger grunnbeløpet i folketrygda skattefrie og skal rapporterast som skattefri etterlønn etter dødsfall. Overskytande beløp over 1,5 gonger grunnbeløpet i folketrygda er skattepliktige og skal rapporterast som etterlønn og etterpensjon etter dødsfall.
Nemninga gjeld:
- frå og med januar 2017.
Lønn etter dødsfall før 2017 skal du oppgi som kapitalinntekt.
Kva for opplysningar skal du oppgi
Beløp | x kroner |
Type lønn eller yting | kontantyting, lønn etter dødsfall |
Trekkplikt | nei |
Grunnlag for arbeidsgivaravgift | nei |
Skatte- og avgiftsregel | - |
Tilleggsinformasjon | - |
Beløp
Før opp bruttobeløpet.
Type lønn eller yting
Før opp «kontantyting» og «lønn etter dødsfall».
Trekkpliktig
Ytinga er ikkje trekkpliktig.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Tilleggsinformasjon
Ingen tilleggsinformasjon.
Døme
Ole døydde 10. april. Han hadde ei fastlønn på 60 000 kroner og lønna blei utbetalt den 15. i kvar månad. Lønn som er opptent i perioden frå 1. til 10. april utgjer 20 000 kroner og opptente feriepengar for fjoråret og året utgjer til saman 95 000 kroner.
Beløp | 115 000 |
Type lønn eller yting | kontantyting, lønn etter dødsfall |
Trekkplikt | nei |
Grunnlag for arbeidsgivaravgift | nei |
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
MAGNET_EDAG-114 Ugyldig verdi |
MAGNET_EDAG-114B Ugyldig verdi for denne kalendermånaden |
MAGNET_EDAG-200 Denne inntekta er rapportert med feil opplysningar og er ugyldig |
MAGNET_EDAG-230B Ugyldig verdi |
MAGNET_EDAG-243 Opplysningar om oppteningsperiode er ugyldig |
MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
Inntekt som er opptent før dødsfallet, men som blir tidfesta til etter dødsfallet, er skattepliktig for dødsbu, einearving og attlevande ektefelle/sambuar i uskifte. Skatteetaten brukar beløpet til å fastsetje skattepliktig beløp som alminneleg inntekt (kapitalinntekt).
Aktuelt regelverk