Forenkla a-melding for velgjerande og allmennyttige organisasjonar

Tenesta er for velgjerande og allmennyttige organisasjonar som engasjerer ein privatperson til arbeidsoppdrag og lønnsutgifta ikkje inngår i næringsverksemd. 

Om denne a-meldinga

Bruk tenesta for å gi opplysningar om lønn og forskottstrekk for tilsette når 

  • lønnsutgiftene per tilsett ikkje overstig 80 000 kroner i løpet av året 
  • dei samla lønnsutgiftene for alle tilsette ikkje overstig 800 000 kroner i løpet av året 

Merk! 
Dersom utbetalingane overstig beløpa ovanfor, skal du ikkje bruke denne tenesta. Då skal du sende inn ei ordinær a-melding, anten via lønnssystemet eller direkte på skatteetaten.no. Dersom du allereie har brukt denne tenesta og det viser seg at du går over beløpsgrensene, kan du bruke tenesta ut året. 

For utbetalingar som ikkje overstig 10 000 kroner per tilsett i løpet av året, treng du ikkje å sende inn noka a-melding. 

Tenesta er for velgjerande og allmennyttige organisasjonar. 

For å bruke tenesta treng du ei av desse rollene i Altinn: 

  • utfyllar/innsendar 
  • rekneskapsførar med signeringsrett 
  • rekneskapsførar utan signeringsrett 
  • rekneskapsførar lønn 
  • ansvarleg revisor 
  • revisormedarbeidar

 

Her finn du meir informasjon og ei oversikt over alle Altinn-rollene 

Du kan sjå kva for roller du har for ein aktør på sida Profil. Manglar du rettar, må du få nokon som har rolla til å delegere henne til deg. 

Dersom du er ukjent med rapportering i Altinn, gå til hjelpesidene. 

Frist
Fristen for sende inn a-meldinga er seinast den første kvardagen etter lønnsutbetalinga.  

Betaling
Betal forskottstrekket til Skatteetaten med eigen KID same dagen som du sender inn a-meldinga. 

Samanstilling/årsoppgåve
Dersom du leverer ei forenkla a-melding for ein velgjerande og allmennyttig organisasjon, er du fritatt frå å levere ei årleg samanstilling / årsoppgåve til den tilsette. 

  • Vel organisasjonsnummeret for organisasjonen du skal representere. 
  • Vel korrekt undereining for eininga i nedtrekkslista. Dersom føretaket ikkje har noka undereining, må du velje «Send inn som hovudeining». 
  • Vel «Send inn ny a-melding» i oversiktssida.  
  • Fyll ut namnet og fødselsnummeret på personen som har fått utbetalinga.  
  • Fyll deretter ut datoen for lønnsutbetalinga og trykk på «Gå vidare». 
  • Fyll ut dei andre opplysningane i skjemaet. 
  • Trykk på «Gå vidare». 
  • Kontroller opplysningane, forskottstrekket og eventuelt arbeidsgivaravgifta.  
  • Hak av for at opplysningane er riktige. 
  • Trykk på «Send inn a-meldinga ».

 

Merk! 

Den tilsette skal ha ei utskrift av lønnsslippen. 

  • Start i oversikta for undereininga.  
  • Finn a-meldinga du skal korrigere i oversikta. 
  • Trykk på «Endre a-meldinga». 
  • Korriger opplysningane som er feil, og send inn den korrigerte a-meldinga.  

Merk! 
Dersom du erstattar ei innsend a-melding, må den nye a-meldinga vere komplett. Den nye a-meldinga skriv over alle opplysningane som stod i a-meldinga du har valt å erstatte. 

Dersom du har oppgitt feil månad i feltet for utbetalingsdato, eller du skal slette alle opplysningane du har sendt inn i ei a-melding, må du slette all informasjon utanom fødselsnummer, namn og utbetalingsdato i den a-meldinga du skal annullere. 

  • Finn a-meldinga du skal annullere i oversikta.  
  • Trykk på «Endre a-meldinga». 
  • Fjern all informasjonen i a-meldinga utanom namnet, fødselsnummeret og utbetalingsdatoen.
  • Hak av for at organisasjonen ikkje skal berekne arbeidsgivaravgift.  
  • Trykk på «Gå vidare».  
  • Stadfest at opplysningane er riktige og send inn a-meldinga.